Festival Osa do Mar 2021 - Día das Letras Galegas

Toca irse espertando de este mal sono e para iso presentamos un especial #letrasgalegas co seguinte programa:

- 19:00h: Coloquio sobre o estado do Galego na música. Con Emilio López (Skornabois e Safari Orquestra), Manolo Maseda (Diplomaticos de Monte Alto), Nuno Pico (Grande Amore, Oh! Ayatollah e Skolhma) e Antía Muiño (cantautora)..

- 20:00h: Antía Muíño

- 21:00h: Grande Amore

Despois de un longo debate desde a Asociación Cultural Fanto Fantini cremos que temos que intentar facer unha edición adaptada á situación. Sabemos que seguramente non será o ano máis espectacular pero polo menos será unha nova edición que aportará o seu grao de área para ir pouco a pouco recuperando moitos dos bos costumes.

Para quen non nos coñeza o Osa do Mar é un festival de música que se celebra en Burela (Lugo) e que intenta ofrecer un cartaz orixinal e divertido mesturando diferentes estilos. Polos nosos escenarios pasaron artistas que agora son mui coñecidos coma Triángulo de Amor Bizarro, Novedades Carminha, Joe Crepúsculo, Cápsula, Arizona Baby, Terbutalina, Cala Vento, The Bots, Rufus T. Firefly, Viva Belgrado, Loco Playa, Orquesta Metamovida, Sexy Zebras, Esteban y Manuel, Brisa Fenoy, León Benavente, Ortiga, Ángel Stanich, Carolina Durante, Toundra, C. Tangana… e moitos máis. Estamos orgullosos tanto de ter levado bandas e artistas que agora son referentes como de ser, cada ano, unha plataforma para as bandas galegas.